সামাজিক মাধ্যমত শেহতীয়াকৈ দুটা ভিডিঅ’ ভাইৰেল হৈ আছে। ইয়াত দাবী কৰা হৈছে যে দিল্লীৰ এটা মহিলা হষ্টেলৰ নলাত ব্যৱহৃত কণ্ডমে আবৰি ধৰিছে। প্ৰথম ভিডিওটোত সংবাদিকসকলে নলাৰ ভিতৰত ভাহি থকা যেন দেখা কণ্ডমবোৰৰ ওপৰত কেমেৰাৰ ফ’কাছ ৰাখিছে, আৰু সংবাদিকে দাবী কৰিছে যে এই দৃশ্যটো দিল্লীৰ এটা ছাত্ৰী নিবাসৰ নলাৰ সংযুক্ত স্থান।এই অংশত ছাফাই কৰাৰ সময়ত “অসংখ্য ব্যৱহৃত কণ্ডম” পোৱা গৈছে বুলি অভিযোগ উত্থাপন হৈছে। দ্বিতীয় ভিডিওটোতো একেদৰে নলাৰ ওচৰত সিচৰতি হৈ থকা কণ্ডমৰ দৃশ্য দেখা গৈছে, আৰু ফেচবুকত এটা কেপচনৰ সৈতে শ্বেয়াৰ কৰা হৈছে: “দিল্লী PG হষ্টেলত আচৰিত ঘটনা — নলা পৰিষ্কাৰৰ সময়ত হাজাৰ হাজাৰ ব্যৱহৃত কণ্ডম পোৱা গৈছে। স্থানীয় লোকসকলে ইয়াক ‘কণ্ডম নালা স্কেণ্ডেল’ বুলি দিছে।”
ফেছবুক পোষ্ট. (আৰ্কাইভ)টোৰ লিংক ইয়াত পাব।
সত্যতা নিৰূপণ
নিউজ মোবাইলৰ দ্বাৰা এই পোষ্ট সন্দৰ্ভত সত্যতা নিৰূপণ কৰা হয় আৰু এই পোষ্টটো ভুৱা বুলি প্ৰতিপন্ন হয়।
প্ৰথম ভিডিঅ’টোত “VN Creator” নামৰ লগোটো স্পষ্টকৈ দেখা যায়। ইয়াৰ অনুসন্ধান কৰাত এই নামৰ এটা ফেছবুক পেজ পোৱা যায়। ইয়াত প্ৰথমে ২৭ অক্টোবৰত সেই ভিডিঅ’টো আপলোড কৰিছিল। অধিক গভীৰভাৱে অনুসন্ধান কৰাত “VN Creator” ৱাটাৰমাৰ্ক দেখা গৈছে। এই বাটাৰমাৰকটো মূল AI ভিডিঅ’ সৃষ্টি সঁজুলিৰ চিহ্ন OpenAI-ৰ ঢাকিবলৈ “Sora” লগো নামৰ এটা বিশেষ লগো ব্যৱহাৰ কৰা হৈছে। একে ফেচবুক পেজত পুনাৰ হষ্টেলতো এনে ধৰণৰ ব্যৱহৃত কণ্ডমৰ ভিডিও পোৱা বুলি একেধৰণৰ ভিডিও আপলোড কৰিছিল। ইয়াতো “Sora” ল’গ’ স্পষ্টকৈ দেখা যায়। ইয়াৰ দ্বাৰাই নিশ্চিত হয় যে ভিডিওবোৰ AI-ৰ সহায়ত সৃষ্টি কৰা।
দ্বিতীয় ভিডিওটোৰ কেইটামান কী-ফ্ৰেমৰ ফটো ৰিভাৰ্ছ ইমেজ চাৰ্চত দিয়াত দেখা পোৱা যায় যে সেই ভিডিঅ’টো ভাৰতৰ নহয়, নাইজেৰিয়াৰ। মূল ভিডিঅ’টো এটা নাইজেৰিয়াৰ এটা সামাজিক মাধ্যমত এজন সামাজিক মাধ্যম প্ৰভাৱকৰ দ্বাৰা ১৩ অক্টোবৰত শ্বেয়াৰ কৰা হৈছিল। ইয়াত উল্লেখ আছে যে এই ফটো নাইজেৰিয়াৰ। একেটা ভিডিওৰ পূৰ্ণ দৈৰ্ঘ সংস্কৰণতো “Nigeria” শব্দ থকা ভইছ অ’ভাৰ আছে। লগতে, সেই ভিডিওটো নাইজেৰিয়ান সংবাদ মাধ্যম Edo Online Television-এও একেদিনাই প্ৰকাশ কৰিছিল।
View this post on Instagram
এনেদৰেই স্পষ্ট হয়, দিল্লীৰ ছাত্ৰীবাসৰ নলাত ব্যৱহৃত কণ্ডম ভৰি থকা বুলি দাবী কৰা ভাইৰেল ভিডিওবোৰ সম্পূৰ্ণ ভুৱা আৰু বিভ্ৰান্তিকৰ।
