প্ৰধানমন্ত্ৰী নৰেন্দ্ৰ মোদী, ৰাছিয়াৰ ৰাষ্ট্ৰপতি ভ্লাদিমিৰ পুতিন আৰু চীনৰ ৰাষ্ট্ৰপতি জি জিনপিঙে সাক্ষাৎ কৰা টিয়াজিংত অনুষ্ঠিত এছ চি অ’ সন্মিলনৰ পাছত প্ৰধানমন্ত্ৰী মোদী আৰু ৰাষ্ট্ৰপতি পুটিনৰ এটা ভিডিঅ’ সামাজিক মাধ্যমত ভাইৰেল হৈছে।
ক্লিপটোত প্ৰধানমন্ত্ৰী মোদীয়ে ৰাষ্ট্ৰপতি পুটিনক “মোৰ বাবে কিবা আছে নেকি, অনুগ্ৰহ কৰি মোক জনাওক।” বুলি কোৱা শুনা গৈছে। বহু ব্যৱহাৰকাৰীয়ে দাবী কৰিছে যে ভিডিঅ’টো শেহতীয়া এছ চি অ’ শিখৰ সন্মিলনৰ।
এজন ফেচবুক ব্যৱহাৰকাৰীয়ে ভিডিঅ’টো পোষ্ট কৰি কেপচনত লিখিছে: প্ৰধানমন্ত্ৰী মোদীয়ে ৰাছিয়াৰ ৰাষ্ট্ৰপতি ভ্লাদিমিৰ পুটিনক উদ্দেশ্যি কৈছে: মোৰ বাবে কিবা থাকিলে, অনুগ্ৰহ কৰি মোক জনাওক। #PMModiInChina
ওপৰৰ পোষ্টটো ইয়াত (আৰ্কাইভ) পাব।
সত্যতা নিৰূপণ
নিউজ মোবাইলৰ দ্বাৰা এই পোষ্ট সন্দৰ্ভত সত্যতা নিৰূপণ কৰা হয় আৰু এই পোষ্টটো ভুৱা বুলি প্ৰতিপন্ন হয়।
ভাইৰেল ভিডিAৰ কীফ্ৰেমৰ ফটো ৰিভাৰ্ছ ইমেজ চাৰ্ছত দিয়াত নিউজ মোবাইলৰ দলে ১১ জুলাই, ২০২৪ৰ ইউটিউব ভিডিওত একেটা ফুটেজ পাইছিল। ভিডিঅ’টোত প্ৰধানমন্ত্ৰী মোদীৰ ২০২৪ চনত মস্কো ভ্ৰমণৰ দৃশ্য দেখা গৈছে, য’ত ৰাছিয়াৰ ৰাষ্ট্ৰপতি ভ্লাদিমিৰ পুটিন আৰু প্ৰধানমন্ত্ৰী মোদীয়ে ভাৰতীয় প্ৰধানমন্ত্ৰীৰ ভ্ৰমণ সমাপ্ত কৰাৰ সময়ত আলিংগন কৰা দেখা গৈছে।
এই তথ্যই, স্পষ্ট কৰে যে ভিডিঅ’টো চীনত শেহতীয়া এছ চি অ’ শিখৰ সম্মেলনৰ নহয়, বৰং ২০২৪ চনত প্ৰধানমন্ত্ৰী মোদীৰ মস্কো ভ্ৰমণৰ সময়ৰহে।
