২০২৫ বিহাৰ বিধানসভা নিৰ্বাচনৰ ফলাফলৰ পিছত প্ৰতিপক্ষ নেতা-সকলেও নিৰ্বাচন আয়োগৰ নিৰপেক্ষতা লৈ প্ৰশ্ন তুলিছে। এই অভিযোগৰ মাজতেই গৃহমন্ত্ৰী অমিত শ্বাহৰ ভৰিত মুখ্য নিৰ্বাচন আয়ুক্ত (CEC) জ্ঞানেশ কুমাৰ প্ৰণাম কৰিছে বুলি দাবী কৰা এটা ভিডিও সামাজিক মাধ্যমত ব্যাপকভাৱে ভাইৰেল হৈছে।
ওপৰৰ ভাইৰেল পোষ্ট (আৰ্কাইভ) টো ইয়াত পাব।
সত্যতা নিৰূপণ
নিউজ মোবাইলৰ দ্বাৰা এই পোষ্ট সন্দৰ্ভত সত্যতা নিৰূপণ কৰা হয় আৰু এই পোষ্টটো ভুৱা বুলি প্ৰতিপন্ন কৰা হয়।
এই ধৰণৰ কোনো ঘটনাৰ সন্দৰ্ভত কোনো নিৰ্ভৰযোগ্য সংবাদ মাধ্যমত কোনো ধৰণৰ বাতৰি পোৱা নহ’ল। ভিডিওটোৰ কী-ফ্ৰেমৰ ফটো ৰিভাৰ্ছ ইমেজ চাৰ্ছত দিয়াত হিন্দুস্তান টাইমছ মিডিয়াৰ ‘Content Garden’. ত সংৰক্ষিত একেধৰণৰ ফটো পোৱা গৈছিল। ফটোৰ বিৱৰণি অনুসৰি, ছবিখন ৮ নৱেম্বৰ, ২০২৩-ত নতুন দিল্লীৰ এখন আলোচনা চক্ৰৰ সময়ত তোলা হৈছিল। দুয়োখন ছবি ৰিজাই চোৱাত দেখা যায় যে ভাইৰেল ভিডিওটোৰ ক্লিপটোৰ সৈতে ২০২৩ চনৰ ফটোখন সাদৃশ্য আছে।
অনুষ্ঠানটোৰ বিৱৰণি অনুসৰি, সেই সময়ত জ্ঞানেশ কুমাৰ কেন্দ্ৰীয় সমবায় মন্ত্ৰালয়ত সচিব হিচাপে কৰ্মৰত আছিল আৰু ‘সমবায়’-ৰ জৰিয়তে জৈৱিক সামগ্ৰীৰ প্ৰচাৰ বিষয়ক ৰাষ্ট্ৰীয় পৰ্যায়ৰ আলোচনা চক্ৰ এখনত গৃহমন্ত্ৰী অমিত শ্বাহক এখন শ্বাল প্ৰদান কৰিছিল। ভাইৰেল ভিডিওটোৰ দৰে কোনো অংগী-ভংগী দেখা পোৱাৰ প্ৰায়েৰে আমি সমবায় মন্ত্রণালয়ৰ দ্বাৰা আপল’ড কৰা অনুষ্ঠানটোৰ লাইভষ্ট্ৰিম পৰ্যালোচনা কৰিলো। ভিডিওটোৰ প্ৰায় 0১:২৫:১০ সময়ত তেওঁক অমিত শ্বাহৰ কান্ধত গামোচা মেৰিয়াই দিয়া দেখা যায়, কিন্তু তেওঁ ভৰিৰ ফালে হাউলি যোৱা নাছিল।
ভাইৰেল ভিডিওটোলৈ সুক্ষ্মভাবে নিৰীক্ষণ কৰি চালে কেইবাটাও বিসংগতি দেখা যায়—বিশেষকৈ শ্বাল প্ৰদান কৰাৰ পিছত হাত দুখন বিকৃত বা আংশিকভাবে অদৃশ্য হৈ থকা দেখা, যি সাধাৰণতে AI-সৃষ্টি ভিজুৱেলৰ বৈশিষ্ট্য। ভিডিওটো পাছত Hive AI-ডিটেকশন টুলেৰেও পৰীক্ষা কৰা হৈছিল। এই পৰীক্ষাত ভিডিও কৃত্ৰিমভাৱে সৃষ্টি হোৱাৰ ইংগিত বেছিকৈ দেখা গৈছিল।
এনেদৰেই CEC জ্ঞানেশ কুমাৰ অমিত শ্বাহৰ ভৰিত প্ৰণাম কৰিছে বুলি দেখুওৱা ভাইৰেল ভিডিওটো ডিপফেক বুলি নিশ্চিত কৰিব পৰা যায়।
