৪৬ জন লোকৰ মৃত্যু হৈছে আৰু প্ৰায় চাৰি লাখ বাসিন্দা ক্ষতিগ্ৰস্ত হোৱা পঞ্জাবৰ বিধ্বংসী বানৰ পৰিবেশ চলি থকাৰ সময়ত দুঃখজনক ভিডিও সামাজিক মাধ্যমত ভাইৰেল হৈছে। ক্লিপটোত এটা শিশুৱে পানীৰ তলত এগৰাকী মহিলাৰ মৃতদেহ টানি নিয়া দেখা গৈছে, আৰু সামাজিক মাধ্যম ব্যৱহাৰকাৰীসকলে দাবী কৰিছে যে এইটো পঞ্জাৱৰ বানপানীৰ এটা মৰ্মান্তিক দৃশ্য। দাবী কৰা অনুসৰি পানীত ককবকাই থকা মহিলাগৰাকী শিশুটিৰ মাক আছিল।
ফেচবুকত শ্ৱেয়াৰ কৰা ভিডিওটোৰ কেপচনত আছে “আল্লাই ৰহম কৰক… কি যন্ত্ৰণাদায়ক দৃশ্য… এটি নিস্পাপ শিশু ইমান শোককুল আৰু বিচলিত হৈ পৰাৰ কাৰণ হ’ল তেওঁৰ মাতৃয়ে এই পৃথিৱী এৰি গৈছে… এই নিৰ্দোষ শিশুটিয়ে নাজানে তেওঁৰ মাক এতিয়াও জীৱিত নে মৃত।”
ওপৰৰ পোষ্টটোৰ (আৰ্কাইভ) ইয়াত পাব।
সত্যতা নিৰূপণ
নিউজ মোবাইলৰ দ্বাৰা এই পোষ্ট সন্দৰ্ভত সত্যতা নিৰূপণ কৰা হয় আৰু এই পোষ্টটো ভুৱা বুলি প্ৰতিপন্ন হয়।
ভিডিঅ’ৰ কীফ্ৰেমৰ ফটো ৰিভাৰ্ছ ইমেজ চাৰ্ছত দিয়াত একাধিক পোষ্ট পোৱা গৈছে। এই পোষ্টসমূহত কোৱা হৈছে যে ভিডিওটো উত্তৰ প্ৰদেশৰ পিলিভিটৰ ছ’চিয়েল মিডিয়া ইনফ্লুৱেন্সাৰ আৰতি গংগৱাৰৰ দ্বাৰা সৃষ্ট নাটকীয় বিষয়বস্তু।
Yeh video ek reel hai pic.twitter.com/EotnfXFT0r
— यूपी प्रभात लाईव न्यूज (@Upprabhatlive) September 7, 2025
এগৰাকী ব্যৱহাৰকাৰী, আশিস পটেলে টুইটাৰ (X) ত ভিডিঅ’টোৰ বিষয়ে সতৰ্ক কৰি কৈছিল যে গংগৱাৰে ক্ষতিকাৰক বিষয়বস্তু সৃষ্টি কৰি জীৱনৰ শংকাৰ সৃষ্টি কৰিছে আৰু পিলিভিট আৰক্ষীক ব্যৱস্থা গ্ৰহণৰ বাবে অনুৰোধ জনাইছিল। ইয়াৰ প্ৰত্যুত্তৰত স্থানীয় কৰ্তৃপক্ষক এই বিষয়ে তদন্তৰ বাবে নিৰ্দেশ দিয়া হৈছে জিলা আৰক্ষীয়ে নিশ্চিত কৰিছিল।
#पीलीभीत भूड़ा मगरसा निवासी छपरी क्रिएटर आरती गंगवार सोशल मीडिया पर कंटेंट के लिए खुद की जान को जोखिम में डालकर वीडियो बना रही एवं समाज में गलत अफवाह फैला रही @pilibhitpolice तत्काल कार्यवाही करें पूर्व में कई बार बरेली की शान पर अभद्र टिप्पणी कर चुकी।@bareillypolice @Uppolice pic.twitter.com/QsesuVQY39
— आशीष पटेल (@patel_ashish01) September 5, 2025
গংগৱাৰৰ ইনষ্টাগ্ৰাম আৰু ফেচবুক প্ৰ’ফাইল অনুসন্ধান কৰাত তেওঁৰ একেধৰণৰ কেইবাটাও ভিডিও দেখা পোৱা গৈছিল। ইয়াতো তেওঁ শিশুসকলৰ সৈতে পানীত অভিনয় কৰি ডুব যোৱা বা পানীৰ পৰা টানি উলিওৱাৰ দৃশ্য দেখা গৈছে।
এনেদৰেই এইটো স্পষ্ট হয় যে ভাইৰেল ভিডিওটো পঞ্জাৱৰ বানপানীৰ সৈতে সম্পৰ্কিত নহয়। বাস্তৱত, এইটো পিলিভিটৰ এজন কণ্টেণ্ট ক্ৰিয়েটাৰৰ দ্বাৰা মঞ্চিত প্ৰদৰ্শন।
