প্ৰসিদ্ধ ক্ৰিকেটাৰ হাৰ্দিক পাণ্ডিয়া আৰু তেওঁৰ সংগী মাহেইকা শৰ্মাই প্ৰখ্যাত আধ্যাত্মিক নেতা প্ৰেমনানন্দ জীক সাক্ষাৎ কৰা বুলি দাবী কৰা এখন ছবি ছ’চিয়েল মিডিয়াত ব্যাপকভাৱে প্ৰচাৰিত হৈছে।
খেলৱালে নামৰ এটা ফেচবুক পেজে এই ফটোখন পোষ্ট কৰি কেপচনত লিখিছে: প্ৰেম মন্দিৰত হাৰ্দিক পাণ্ডিয়া আৰু মাহেইকা শৰ্মাই নেতা প্ৰেমনানন্দ জীক সাক্ষাৎ কৰিছে। পোষ্টটোৱে ৩৬ হাজাৰ প্ৰতিক্ৰিয়া লাভ কৰিছে।
নিউজ মোবাইলৰ পৰীক্ষণ
নিউজ মোবাইলে ভাইৰেল পোষ্টটোৰ সন্দৰ্ভত অনুসন্ধান কৰি পোষ্টটো কৃত্ৰিমভাবে সম্পাদনা কৰা বুলি প্ৰমাণ কৰে।
অধিক স্পষ্টতাৰ বাবে অনুসন্ধান কৰাৰ পাছত নিউজমোবাইলে দাবীৰ সত্যতা প্ৰমাণ কৰা কোনো বিশ্বাসযোগ্য বাতৰি বা প্ৰতিবেদন, প্ৰামাণিক ফটো বা ছ’চিয়েল মিডিয়া প’ষ্ট পোৱা নাই। লক্ষ্যণীয় কথাটো হল হাৰ্দিক পাণ্ডিয়া বা মাহেইকা শৰ্মা — কোনেও নিজৰ সামাজিক মাধ্যমৰ একাউণ্টত এনে কোনো ফটো শ্বেয়াৰ কৰা নাই।
ফটোসমূহ সুক্ষ্মভাৱে পৰ্যবেক্ষণ কৰিলে এআইৰ দ্বাৰা সম্পাদনা কৰাৰ কেইবাটাও স্পষ্ট লক্ষণ দেখা যায় — বিসংগত পোহৰ, অস্বাভাৱিক মুখাৱয়ব আৰু অত্যধিক মিহি আৰু কৃত্ৰিম যেন লগা পৃষ্ঠভূমি এইবোৰৰ অন্যতম।
এআই চিনাক্তকৰণ সঁজুলি ‘চাইটইঞ্জিন’ আৰু ‘হাইভ মডাৰেশ্বন’ ব্যৱহাৰ কৰি অধিক বিশ্লেষণ কৰাত, ছবিখন ডিজিটেলভাৱে বিকৃত কৰা বুলি নিশ্চিত হয়।
এই তথ্যসমূহ বিশ্লেষণ কৰি ক’ব পাৰি যে আধ্যাত্মিক নেতা প্ৰেমনানন্দ জীক হাৰ্দিক পাণ্ডিয়া আৰু মাহেইকা শৰ্মাই সাক্ষাৎ কৰা বুলি দাবী কৰা ভাইৰেল ফটোবোৰ কৃত্ৰিমভাৱে সৃষ্টি কৰা।,
